Në portin e Pireut në Greqi janë gjetur më shumë se 200 kilogramë kokainë brenda 2 kontenjerëve që transportonin karkaleca nga Amerika e Jugut.
Sipas mediave greke, droga e gjetur ishte nisur nga një vend i Amerikës Latine me destinacion final Shqipërinë.
Mësohet se për këtë rast janë arrestuar 4 persona, 2 grekë dhe 2 shqiptarë, identiteti i të cilëve akoma nuk është bëri i ditur.
Burime policore thonë se hetimet dhe operacioni po vijon, pasi dyshohet se ka edhe kilogramë të tjerë kokaine të fshehur.
Kujtojmë se në vitin 2017 policia greke zbuloi 635.000 pilula Captagon me vlerë shitje rreth 10 milionë euro si dhe armë. Në operacionin e atëhershëm u arrestuan 2 shqiptarë, 1 turk dhe 1 grek dhe u shpallën në kërkim 1 turk, 1 ish-polic grek dhe shtetasi shqiptar i cili u arrestua sot për kokainën në Pire.
