Ekipet e shpëtimit po vazhdojnë të kërkojnë nëpër rrënoja e mbeturina në Teksas, ndërsa shpresat për të gjetur të mbijetuar po veniten, pesë ditë pasi përmbytjet e menjëhershme përfshiu rajonin, duke vrarë të paktën 110 persona, përfshirë shumë fëmijë.
Deri të martën në mbrëmje, numri i personave të zhdukur kishte tejkaluar 170, sipas shifrave të njoftuara nga Guvernatori i Teksasit Greg Abbott. Që nga e premtja e kaluar nuk është gjetur asnjë i mbijetuar.
Shumica e viktimave dhe personave të zhdukur janë regjistruar në Qarkun Kerr, kryeqyteti i të cilit, Kerrville, u dëmtua shumë keq nga shirat e rrëmbyeshëm që ranë më 4 korrik. Për shkak të shiut, niveli i lumit Guadalupe u rrit ndjeshëm, me gati tetë metra, brenda pak orësh.
Sherifi i Qarkut Kerr, Larry Litha, u tha gazetarëve se numri i të vdekurve tani është 95, dhe 36 prej tyre ishin fëmijë. Midis tyre janë të paktën 27 vajza dhe shoqërueset e tyre nga kampi i krishterë Camp Mystic, i cili ndodhej në brigjet e lumit.
Autoritetet paralajmërojnë se numri i viktimave ka të ngjarë të rritet ndërsa ujërat e përmbytjes tërhiqen dhe ekipet e shpëtimit gjejnë më shumë trupa.
