Numri i viktimave të koronavirusit të ri në Francë ka mbetur konstant për të tretën ditë radhazi.
Autoritetet kanë raportuar sot se 544 persona kanë ndërruar jetë, një shifër kjo që nuk ndryshon shumë nga 531 që u raportuan dje dhe 547 një ditë më parë. Franca është aktualisht vendi i katërt në botë me 21,340 viktima pas Italisë, SHBA dhe Spanjës.
Sa i përket numrit të rasteve të reja ato kanë rënë ndjeshëm në 24 orët e fundit. Nga 2,667 që u raportuan dje sot vetëm 1,827 persona kanë rezultuar pozitiv duke e çuar totalin e të prekurve në 159,877 persona prej të cilëve 40,657 janë shëruar dhe 97,880 janë raste aktive me COVID-19. /Opinion.al
