Kryeministri në detyrë i Republikës se Kosovës, Albin Kurti tha se takimi i presidentit të Kosovës më liderët e partive politike, është në kundërshtim me Kushtetutën e Republikës së Kosovës.
Kreu i Lëvizjes Vetëvendosje akuzoi presidentin Thaçi se ishte përpjekur të rrëzonte qeverinë dhe mbledhjen e sotme e cilësoi si shprehje të frikës nga vullneti i qytetarëve
“Duke u munduar të na rrëzojë neve ai po e rrëzon vetën pakthyeshëm. Një klub i stërvjetëruar politikisht sot u deklaruan se nuk janë për zgjedhje nga frika për t’u përballë me vullnetin qytetarë”, tha Kurti në një konferencë për mediat.
Ai paralajmëroi se do t’i drejtohet Gjykatës Kushtetuese lidhur me dekretin që mund të nxjerrë presidenti Thaçi për formimin e një qeverie të re.
“Vullnetin e shprehur me votë nga qytetarët po përpiqet që ta mbyll (v.j. presidenti Thaçi) me një dekret anti-kushtetues, ku do të përjashtojë partinë e parë fituese të zgjedhjeve. Nga roli unifikues dhe kompetencat që ja parashtron Kushtetuta, presidenti sot doli në ilegalitet. Andaj formalizmi i deklarimeve të sotme do të përfundojë në Gjykatën Kushtetuese pa dyshim”, tha Kurti.
Komentet e Kurtit vijnë pas takimit që Presidneti i Kosovës Hashim Thaçi ka zhvilluar me liderët e partive politike, përshirë këtu edhe përfaqësuesen e Lëvizjes Vetëvendosje, në përpjekje të gjetjes së zgjidhjes për formimin e Qeverisë së re të Kosovës.
Mbi bazën deklarimeve të përfaqësuesve të partive politike, Thaçi tha se do t’ia japë mandatin për forimin e qeverisë partisë që garanton shumicën në Kuvend. Kështu që në ditët e ardhshme, ka thënë ai, Kosova do të ketë Qeveri te re dhe nuk do të ketë zgjedhje të reja.
Kurti th se Lëvizja Vetëvendosje është që të mbahen zgjedhjet e jashtëzakonshme me të përfunduar situata me pandeminë.
“Për Qeveri të re kemi theksuar se duhet të mbahen zgjedhjet e reja porsa të përfundojë pandemia, veprimet tjera janë devijime – janë tejkalim i kompetencave të Presidentit”.
Kryeministri në detyrë deklaroi se rezultati i dalë në zgjedhjet e 6 tetorit të 2019 është i pakthyeshëm.
“Më 6 tetor ka ndodhur ndryshimi i madh. Ka dalë zogu nga lëvozhga dhe nuk kthehet dot më. Presidenti po do ta kapë trenin e fundit por i ka ikur dhe s’ka më trena për Presidentin”, tha ai.
Në konferencë Kurti pohoi se orvatjet antikushtetuese nga ana e Presidentit Hashim Thaçi vetëm sa e rrezikojnë rendin republikan dhe shtetin demokratik. /Opinion.al
