Po shkon drejt përfundimit numërimi i votave në kryeqytet. Në të dhënat zyrtare të publikuara në faqen e Komisionit Qëndror të Zgjedhjeve deri në orën 16:11 rezulton se janë numëruar 1083 kuti votimi nga 1243 Qendra Votimi në total.
Sipas KQZ, në Tiranë deri në këto momente, po kryeson Partia Socialiste, e ndjekur nga Partia Demokratike, Lëvizja Socialiste për Integrim dhe Partia Social Demokrate.
Të shprehura në përqindje rezultatet janë: PS: 48.61 %; PD: 39.15 %; LSI:
5.98 %; PSD: 2.87 %. Të përkthyera në mandate, sipas faqes zyrtare të Komisionit Qëndror të Zgjedhjeve del që PS merr 18 deputetë, PD 15 deputetë, LSI 2 deputet dhe PSD 1 deputet.
Ndërkohë kanë dalë rezultatet e votimit elektronik në njësinë numër 10 në kryeqytet KZAZ numër 40, ku për herë të parë u aplikua votimi elektronik.
Rezultati për subjektet zgjedhore ka qenë: PS – 715739 vota; PD – 579440; LSI- 100734 vota; PSD- 208 vota./Opinion.al
