TIRANE- Disa qytetarë kanë protestuar sot para selisë së PS-së, duke kërkuar zgjedhje të reja në parti sipas parimit ‘një anëtar, një votë’. Protesta mbahet teksa pritet të mblidhet grupi parlamentar socialist. Por, në momentin që ka mbërritur deputeti Ben Blushi protestuesit kanë nisur të duartrokasin. Ndërkohë, kreu i lëvizjes “Çohuni socialist”, Shkëlqim Metaj tha se PS-ja duhet të reformohet.
“Partia duhet të strukturohet ashtu siç ka qenë dikur. Me këtë gjendje që jemi sot, zgjedhjet vitin tjetër rrezikohen. Kanë marrë njerëz pa dinjitet dhe në krye të partisë dhe qeverisë, ndaj ne kërkojmë që të ndërhyjmë me gjithë mundësitë tonë. PS është pothuajse shkatërruar.”, tha Metaj.
