Mbështetës të ish-kryeministrit Sali Berisha kanë hyrë nga një tjetër pjesë e godinës në brendësi të selisë blu. Ata kanë hapur dyert duke përdorur edhe vare. Sikurse shfaqet në video pas këtyre incidenteve ka ndërhyrë Policia e Shtetit.
Ndërkohë Policia e Shtetit në reagimin e saj ka thënë: Në bazë të një kërkese të bërë Policisë së Shtetit, nga një grup deputetësh të Partisë Demokratike, të cilët kanë kërkuar ndihmën e Policisë, pasi i rrezikohej jeta nga protestuesit, sqarojmë se: Policia e Shtetit është gati për të ndërhyrë në ndihmë të deputetëve që kanë kërkuar ndihmë dhe u bën thirrje protestuesve që të distancohen menjëherë nga aktet e shkatërrimit të pronës dhe aktet e dhunës.
Policia e Shtetit u bën thirrje organizatorëve të protestës që të përmbajnë protestuesit dhe të shmangin çdo rast dhune, sepse do përballen me ligjin.
