Rajoni

Mbaron afati, 25 subjekte politike në garë për zgjedhjet në Kosovë


               Publikuar në : 09:11 - 07/09/19 |
xhu lia

Ka përfunduar afati ligjor për dorëzimin e kërkesave dhe listave të kandidatëve të subjekteve politike për pjesëmarrje në zgjedhjet e parakoheshme të 6 tetorit në Kosovë.

Njoftimi për përfundimin e afatit është dhënë  nga zëdhënësi për mediat në Komisionin Qendror të Zgjedhjeve, Valmir Elezi i cili u shpreh:

“KQZ njofton se është përmbyllur afati për dorëzimin e listës së deputetëve për certifikim në zgjedhjet e 6 tetorit. Brenda afatit kohor kanë dorëzuar gjithsej 25 subjekte politike, 20 parti politike, 4 koalicione dhe 1 i pavarur. Nga sot, e shtunë, fillon faza e shqyrtimit të të gjitha aplikimeve. Më pas, Zyra për Regjistrim të partive politike paraqet pranë KQZ-së rekomandimet lidhur me aplikimet dhe KQZ-ja do të vendosë për aprovimin apo refuzimin e certifikimit. Vendimmarrja lidhur me certifikimin do të bëhet deri më 10 shtator”.

Kërkesat për pjesëmarrje në zgjedhje i kanë dorëzuar 25 subjekte politike.

Një pjesë e tyre kanë publikuar listën e listën me kandidatët për deputetë, ndërsa pjesa e mbetur  pritet t’i publikohen gjatë ditës së sotme./Opinion.al/

 

Pas