Pasditen e sotme mazhoranca dhe opozita parlamentare arritën dakordësimin për ndryshimet kushtetuese.
Lidhur me marrëveshjen e sotme ka folur deputetja Rudina Hajdari. Deputetja e cilësoi firmosjen e marrëveshjes me maxhorancën dhe opozites parlamentare për reformën zgjedhore, një ditë historike për vendin drejt demokracisë.
Hajdari tha se kishte mbajtur premtimin para qytetarëve, për listat e hapura, ndërsa i bëri thirrje opozitës jashtëparlamentare që t’i bashkohet kauzës.
“Ky është një hap përpara për demokracinë shqiptare. Po hedhim këtë hap sot në këtë ditë, për ndryshim. Ajo që është dukur para shqiptarëve si një gjë jo e mundur, eshte premtim i mbajtur. Premtimin e mbajta. Une unë jam premtimmbajtëse. Këtë e bëj me një përgjegjësi të lartë. Nëse jemi sot këtu falë qytetarëve. Kjo ditë historike, u bë një moment i rëndësishëm për Shqipërisë. U hodhën hapa drejt Demokracisë. I bëj thirrje opozitës jashtëparlamentare që t’i bashkohet këtij treni të së ardhmes.”,-tha Hajdari./ Opinion.al
