Sikurse ka ndodhur edhe në vitet e tjera edhe këtë herë ka dalë teza e provimit të matematikës, provim që zhvillohet këtë të premte duke filluar nga ora 10:00.
Një llogari në rrjetet sociale me emrin “Studentët denoncojnë” ka publikuar tezën e provimit.
Sipas postimit, tezat janë publikuar rreth një orë pas nisjes së provimit, dhe në rrjetet sociale janë postuar dy variantet, A dhe B.
Ky është provimi i tretë i maturës që zhvillohet këtë vit, pas atij të gjuhës së huaj dhe atij të gjuhës shqipe e letërsisë.
Maturantët do të zhvillojnë provimin e Lëndës me Zgjedhje më 24 Qershor.
