Terroristët që sulmuan Brukselin kishin materiale rezervë, mjaftueshëm sa për të bërë të paktën 10 bomba të mëdha
Gazeta britanike “The Guardian” raporton një lajm të tillë duke iu referuar një eksperti të njohur për eksplozivët.
Materialet u gjetën në pronën ku dje, një taksi mori tre terroristët që shpërthyen bombat në aeroportin e Brukselit.
Policia gjeti 150 litra açeton dhe 30 litra ujë të oksigjenuar. Me këtë material terroristët do të përgatisnin një eksploziv 50 kg, Triacetone triperoxide (TATP), që u përdor dhe për sulmet në Paris.
Profesor, Sidney Allford, i cili ka punuar për ushtrinë britanike për të çmontuar bombat e Talebanëve në Afganistan, thotë se këto materiale mund të përzien duke përdorur pajisje kuzhinë nga një person jo kimist dhe mund të shpërthehet pa pajisje speciale.
Prokurori federal belg, Frederic van Leeuw tha se 15 kg eksploziv u gjetën në një adresë në Schaerbeek, një lagjet e Brukselit. Bomba kishte pajisje për shpërthim si dhe me materiale si gozhdë, bidonë plastikë që përdoren për të paketuar eksplozivin.
