MAT- Një sasi eksplovizi është zbuluar sot në automjetin e ish-kreut të komunës Baz në Mat. Ka qenë ish-kreu i komunës, Fatmir Kurti ai që ka vënë re lëndën plasëse përpara se të hipte në automjetin që kishte parkuar përpara pallatit, në lagjen ‘Drita’ në Burrel.
Kurti ka lajmëruar menjëherë policinë që ka mbërritur në vendngjarje dhe ka bërë të mundur çaktivizimin e lëndës plasëse. Policia ka nisur hetimet për zbardhjen e ngjarjes ndërkohë që bëhet me dije se kjo është hera e dytë që automjetit të ish-kreut të komunës Baz i vendoset eksploziv.
