Prokuroria e Tiranës ka vënë nën hetim 4 punonjës tëkompanisë “Omega Pharma” pasi akuzohen se janë të implikuar në skemën mashtruese të ilaçeve.
Sipas prokurorisë, i pandehuri Nadir Çausholli dhe 3 punonjëse të kësaj kompanie, përkatësisht:Ajola Piperaj, Laureta Kushova dhe Blerina Qatja kanë përfituar në mënyrë të paligjshme shumën e 2.2 milionë eurove.
Vlera e dëmit ekonomik 2.2 milionë është përllogaritur nga viti 2013 deri në 2015. Gjatë këtyre viteve ata kanë krijuar një skemë mashtrimi duke abuzuar me dy lloj ilaçesh: insulinë dhe ketosteril. Sipas hetimit, “Omega Pharma” ka shpërndarë receta false tek farmaci të ndryshme, të cilat nga ana e tyre i kanë paraqitur recetat për rimbursim pranë Fondit Rajonal të Kujdesit Shëndetësor./tvklan.al
