Një kartë krediti me një ekran dixhital që gjeneron rastësisht një kod të sigurisë, është duke u prezantuar si një mënyrë për luftimin e mashtrimeve me kartat personale.
“Oberthur Technologies” është aktualisht në diskutime me bankat në Mbretërinë e Bashkuar për të publikuar teknologjinë dhe do të sjellë kartat “në duart” e konsumatorëve në Francë, deri në fund të vitit.
Karta siguron një shtresë shtesë të sigurisë, duke zëvendësuar kodin e sigurisë tre-shifror të printuar në anën e pasme të kartës me një ekran mini, që tregon një kod të rastësishëm që ndryshon automatikisht çdo orë.
Ajo fuqizohet nga një bateri litiumi e hollë, e projektuar që të zgjasë për tre vjet.
“Risia mund të jetë e kushtueshme për operatorët me kartë, pasi disa infrastruktura shtesë do të jenë të nevojshme për të siguruar kartat tona që të qëndrojnë të sinkronizuara me operatorin, por kjo ndodh tashmë për shumë banka”./TechSot.Al
