Në rrjete sociale dhe platforma të ndryshme për shitblerje në Kosovë, janë bërë dhjetëra shpallje ku qytetarët kanë ofruar për shtije votën e tyre për zgjedhjet e 6 tetorit. Shumë nga ta thonë se u është keqpërdorur numri i tyre. Prokuroria po heton personat që i kanë publikuar këto shpallje, pasi shitja e votës është vepër penale.
“Është në intervistë një person. Do të intervistohen edhe persona të tjerë, të cilët i kanë publikuar këto të dhëna në rrjetet sociale. Do të merremi në mënyrë më të detajuar pas verifikimit të informatave dhe personave që i kanë publikuar ato në rrjete sociale dhe platforma të ndryshme dhe pastaj ne e kemi dhe njësitin e posaçëm të krimit kibernetik, me të cilët do të bashkëpunojmë ngushtë për ti evidentuar se kush janë ata persona dhe në çfarë mënyre kanë vepruar” ka thënë Laura Pula, prokurore e shtetit. /Opinion.al
