Vijojnë kontrollet e autoriteteve për respektimin e masave anti-Covid. Policia e Shtetit njofton se janë ndëshkuar me gjobë 3.000 lekë, 426 qytetarë në 24 orët e fundit.
Gjatë kontrolleve janë shoqëruar në ambientet e Policisë në të gjithë vendin, 6 qytetarë që nuk kanë pranuar t’i tregojnë punonjësve të Policisë dokumentin e identifikimit. Pasi janë identifikuar ata janë ndëshkuar me gjobë 3.000 lekë dhe më pas janë lënë të lirë.
Uniformat blu informojnë se po në 24 orët e fundit, gjatë kontrolleve të ushtruara në subjekte të ndryshme, kanë evidentuar një lokal në të cilin ushtrohej aktiviteti në kundërshtim me protokollet e sigurisë anti-COVID. Për këtë arsye subjektit iu vendos gjoba prej 1.000.000 lekë. / Opinion.al
