Vijojnë kontrollet për respektimin e masave antiCOVID. Policia e Shtetit informon se gjatë ditëve të fundit, në të gjithë vendin janë ndëshkuar me gjobë 3.000 lekë secili, 1334 qytetarë të cilët janë konstatuar duke lëvizur pa maskat mbrojtëse.
Janë shoqëruar në komisariat, 29 persona që nuk kanë pranuar t’i tregojnë punonjësve të Policisë dokumentin e identifikimit. Pasi janë identifikuar ata janë ndëshkuar me gjobë 3.000 lekë dhe më pas janë lënë të lirë.
Uniformat blu bëjnë me dije se 6 persona të infektuar me COVID kanë shkelur rregullat e vetëkarantinimit, për këtë arsye janë ndëshkuar me gjobë 700.000 lekë secili.
Gjatë ditëve të fundit, efektivët kanë konstatuar 2 lokale në të cilët ushtrohej aktiviteti në kundërshtim me protokollet e sigurisë antiCovid. Dy subjektet janë gjobitur me 1.000.000 lekë.
Gjithashtu, gjatë kontrolleve janë konstatuar 36 qytetarë që lëviznin në rrugë pas orës 22:00, pa arsye të domosdoshme, të cilët janë ndëshkuar me gjobë 10.000 lekë secili./ Opinion.al
