Ulet numri i qytetarëve të gjobitur për mbajtjen e maskës. Policia e Shtetit njofton se 254 qytetarë janë konstatuar duke lëvizur pa maskat mbrojtëse në 24 orët e fundit. Ata janë gjobitur me 3.000 lekë secili, shumë e cila do të paguhet në faturën e energjisë elektrike.
Po në 24 orët e fundit, në të gjithë vendin janë shoqëruar në komisariat 5 qytetarë që nuk kanë pranuar t’i tregojnë punonjësve të Policisë dokumentin e identifikimit. Pasi janë identifikuar ata janë gjobitur me 3.000 lekë dhe më pas janë lënë të lirë./ Opinion.al
