Ngjarjet e 13 nëntorit kanë indinjuar së tepërmi rininë franceze. Sipas mediave franceze pas sulmeve terroriste ka patur një bum kërkesash për t’iu bashkuar forcave të armatosura. Në 2014 numri i kërkesave në ditë ishte 130, ndërsa pas sulmeve mbi “Charlie Hebdo” shkoi në 500 kërkesa në ditë.
Por ky numër është trefishuar pas sulmeve në Paris. Që prej mëngjesit të 14 nëntorit çdo ditë ka mbi 1500 kërkesa për t’iu bashkuar ushtrisë nga qytetarët francezë. Shefi i zyrës së rekrutimit, koloneli Eric de Lapresle ka thënë se, “bëhet fjalë për një fenomen të paprecedentë dhe jam tejet i habitur”.
