23 vetë janë vrarë dhe 25 të tjerë janë plagosur, nga një sulm ndaj autobusit ku udhëtonin pjesëtarë tëkomunitetit kopt të krishterë.
Agjencia e lajmeve, Reuters raporton se në provincën Minya, Essam al-Bedaiwy, persona të armatosur sulmuan të krishterët, teksa udhëtonin në një manastir në jug të kryeqytetit Kajro.
Agjencia tjetër e lajmeve, DPA, ka raportuar për numër të njejtë të personave të vrarë, duke e cituar një zëdhënës të Ministrisë së shëndetësisë së Egjiptit.
Në dhjetor të vitit të kaluar dhe në prill të këtij viti, nga sulmet vetëvrasëse të grupit ekstremist, Shteti Islamik, janë vrarë dhjetëra koptë të krishterë, në tri sulme kundër kishave.
Shteti Islamik ishte kërcënuar se do të ndërmerrte më tepër sulme kundër koptëve të krishterë.
Ky komunitet e përbënë 10% të popullatës së Egjiptit, me shumicë myslimane, prej 92 milionë banorëve.
