Komisionerja për Zgjerimin e BE-së, Marta Kos ka mbledhur në një takim informal liderët e Ballkanit Perëndimor, duke shfrytëzuar Konferencën e Sigurisë që po mbahet në Mynih të Gjermanisë.
Komisionerja Kos ka shpërndarë në rrjetet sociale fotot e këtij takimi, mes të cilëve është edhe Kryeministri Edi Rama.
“Shkëmbim i rëndësishëm pikëpamjesh me ambasadorin Ischinger dhe liderët e Ballkanit Perëndimor dhe se çfarë mund të kontribuojnë ata për të ardhmen tonë të përbashkët europiane. Të gjithë duhet të jemi më të zëshëm përse Ballkani Perëndimor është i rëndësishëm për BE-në”, ka shkruar Marta Kos në një postim në rrjetin social X.
Good exchange with Ambassador @ischinger and Western Balkans leaders on what they can contribute to our common European future.
We should all be more vocal on why the Western Balkans are important for the EU #MSC pic.twitter.com/GBGRyU0leC
— Marta Kos (@MartaKosEU) February 15, 2025
Liderët e botës janë mbledhur në Mynih ku mbahet Konferenca e Sigurisë.
I pranishëm është edhe zv/Presidenti amerikan JD. Vance, fjalimi i të cilit shkaktoi tronditje në komunitetin politik europian, për shkak se kritikoi liderët e vendeve të BE-së për censurën e fjalës së lirë.
