Ditët e fundit në media janë publikuar lajme se kryeministri Edi Rama dhe kreu i opozitës, Lulzim Basha do të mund të arrijnë një marrëveshje për të nxjerr vendin nga kriza.
Pas publikimit këtyre lajmeve, ka reaguar kreu i PD, i cili shprehet se Rama dhe një grusht oligarkësh sajojnë lajme për të tërhequr vëmendjen nga vjedhjet që ata bëjnë në bashkëpunim. Sipas tij, kryeministri dhe oligarkët ndajnë pasurinë e vjedhur nga shqiptarët.
“Sot kur Rama me një grusht oligarkësh dhe pronarë mediash u vjedh shqiptarëve 370 milionë euro, sulen hyzmeqarët mediatikë dhe politikë me gënjeshtra dhe sajesa që të heqin vëmendjen e njerëzve dhe të mbulojnë vjedhjen. Sepse ata ndajnë bashkë me Hajdutin pasuritë e shqiptarëve”,-shkruan Basha./Opinion.al E.Xh.
