Ambasadori i BE-së në Tiranë, Luigi Soreca është pyetur nga gazetarët lidhur me marrëveshjen Shqipëri-Itali për kampin për emigrantët e paligjshëm.
Ambasadori tha se marrëveshja me Italinë për menaxhimin e emigrantëve për momentin nuk ka vlerë ligjore, por politike.
Ai thekson se ka ende detaje që duhet të identifikohen, ndërsa theksoi se BE dhe shtetet anëtare mund të bashkëpunojnë me vende të tjera për emigracionin duke respektuar zbatimin e legjislacionit të BE dhe konventave ndërkombëtare.
“Konsultimet janë në vijim e sipër. Ky është tekst i parë dhe duhet të kthehet në ligj nga të dyja palët. Këtu ne do të bëjmë vlerësimin tonë. Ka detaje që duhen identifikuar. Për momentin është e parakohshme të japim vlerësim për dokumente që për momentin kanë vlerë politike dhe jo ligjore. Në çdo rast BE dhe shtetet anëtarë mund të bashkëpunojnë me vende të tjera për emigracionin duke respektuar zbatimin e legjislacionit të BE dhe konventave ndërkombëtare”, tha Soreca./Opinion.al
