Deputeti i zgjedhur i PD-së Mark Marku, mbajti një qëndrim kritik në Kuvendin Kombëtar të Partisë, ndërsa e cilësoi mbledhjen e tij në një moment dramatik për partinë.
I ftuar në News 24, ku ka folur lidhur me qëndrimin e tij, Marku tha se fillimisht e ka mbështetur Bashën edhe në rikandidimin si kryetar, por në dy momente ai kuptoi se Basha po bënte të njëjtat gjëra si në të shkuarën.
“Dy ishin momentet kur kuptova që Basha po bënte të njëjtat gjëra si më parë. Gjatë fushatës nuk paraqiti asgjë se çfarë do bënte përtej asaj që kishte bërë dhe kongresi. Përse duhte të bësh kongres të jashtëzakonshëm, për kryesinë, strukturat, për gjëra të rëndonta? Ky kongres ishte thuajse zero nga pikëpamja e produktivitetit. Duhet të krijojë një komision për rithemelimin e PD-së, ku të jenë pjesë jo vetëm strukturat e PD-së, po komuniteti për opozitarizmin”, tha Marku duke shtuar se fjala e tij në Kuvendin Konbëtar të PD ishte fjalë e arsyes, por dhe e zemrës. “Në momentin që shkoj aty unë shkoj dhe them gjënë që mendoj. Nuk mendoj pasojat dhe nuk pres të më duartrokasin”, u shpre ai./Opinion.al
