Moderatorja, Marina Vjollca dhe bashkëshorti i saj, këngëtari i njohur, Getoar Selimi, janë bërë prindër për herë të parë. Mësohet se çifti aq shumë i komentuar i showbizit shqiptar kanë mirëpritur dje një vajzë.
Vetë ata nuk kanë reaguar në rrjete sociale, por ka qenë Luana Vjollca, ajo që ka publikuar një status në Instastory, ku shkruante “Ndjesia më e bukur në botë” dhe në sfond kishte zgjedhur ngjyrën rozë, duke nënkuptuar kështu edhe gjininë e bebes.
Marina zbuloi se është në pritje të ëmbël në fund të muajit gusht, pas katër vitesh martesë me këngëtarin kosovar.
“Jam e bekuar, faleminderit Zot për gjithçka!”, shkroi në atë kohë Vjollca krahas fotove ku pozonte me barkun e rrumbullakosur.
Marina Vjollca dhe Getoar Selimi kurorëzuan dashurinë e tyre në martesë në shtator të vitit 2017, në një ceremoni në breg të detit te Gjiri i Lalzit./Opinion.al
