Me gjithë interesin e shfaqur nga Juventusi, Interi dhe Lazio, 20-vjeçari shqiptar, Marash Kumbulla do të jetë lojtari më i ri i Romës. Sikurse raportojnë mediat italiane, gjithçka është gati për hapin e madh dhe tashmë pritet vetëm formalizimi i transferimit.
Klubet kishin arritur akord, me Romën që do ta afrojë Kumbullën në formë huazimi me detyrim blerje në fund të sezonit, ku do të paguajë 30 milionë euro në arkat e Hellas Verona.
Ngërçi lidhej me termat e marrëveshjes së Kumbullës, i cili në fund pranoi propozimin për kontratë 5-vjeçare, deri në vitin 2025, nga e cila do të përfitojë pagën bazë prej 1,5 milionë eurosh në sezon, por edhe bonuse të rëndësishme, të cilat do ta ngrenë shifrën deri në 2 milionë euro.
Këtë të enjte, Marash Kumbulla pritet të udhëtojë drejt kryeqytetit italian për të zhvilluar testet mjekësore dhe më pas për të firmosur kontratën me klubin e ri./Opinion.al
