Maqedonia e Veriut pati sot rritjen më të lartë të rasteve me koronavirus. Në vend u raportuan 29 raste të reja si dhe viktima e parë.
Autoritetet ende nuk kanë paraqitur një plan ekonomik për përballimin e situatës por ministrja e Financave tha sot se Maqedonia e Veriut do të marrë një boxh prej 600 milionë eurosh për të përballuar krizën.
Ministrja e financave Nina Angellovska tha se qeveria do të kërkojë 400 milionë euro hua nga bankat e huaja, deri në lëshimin e eurobondit. Borxhi do të jetë me afat kthimi prej 12 muajsh, me normë interesi nën 2,75% dhe do të shlyhet me mjetet e eurobondit të ri. Plani është që 87 milionë eurot shtesë të tërhiqen nga FMN ndërsa 100 deri 120 milionë nga Banka Botërore.
Sa i përket një plani ekonomik, Angellovska tha se fokusi do të vihet në atë që të mos ketë shkurtime të vendeve të punës. Ajo nuk zbuloi asnjë hap konkret se ku dhe në çfarë mase do të jepet ndihma. /Opinion.al
