Në hapjen zyrtare të fushatës elektorale, Kryetari i PS Edi Rama përmendi edhe një herë vitin 2029 si limitin në të cilin PS do të vijojë qeverisjen.
Duke përmenduar arsyet për të cilat sipas tij duhet të marri mandatin e tretë, Rama kujtoi edhe rritjen e pagës minimale dhe taksat zero për biznesin e vendit.
“Ne jemi këtu për t’i garantuar që deri në vitin 2029 me PS taksa e tyre do të jetë zero, tvsh do të jetë zero.
Mandati i tretë duhet që paga minimale të shkojë 400 mijë lekë. Duhet mandati i tretë që jo në fund të tij, por në 1 janar të vitit të ardhshëm të gjithë ata shqiptarë që jetojnë në këtë vend me punë, që marrin një rrogë deri në 400 mijë lekë të mos paguajnë asnjë taksë apo tatim mbi të ardhurat. Këta janë 63% e shqiptarëve që punojnë”, tha Rama.
Ndër të tjera Rama tha se mandati i tij i tretë bën të pakthyeshme ardhjen në drejtësi të një reforme të re.“E kundërta do të thotë çuarje dëm e të gjitha këtyre sakrificave dhe kthim përsëri aty ku Shqipëri nuk mund dhe nuk duhet të kthehet më”, u shpreh ai./Opinion.al
