Mbi 13 mijë qytetarë janë vaksinuar në 24 orët e fundit në Shqipëri. Shifrat janë publikuar nga ministrja e Shëndetësisë, Ogerta Manastirliu nëpërmjet një postimi në rrjetet sociale.
Ministrja thotë se që nga fillimi i fushatës së vaksinimit, në vendin tonë janë kryer 1,123,253 vaksinime.
Manastirliu iu bën apel qytetarëve mbi 18 vjeç që të shfrytëzojnë fundjavën për tu vaksinuar duke theksuar se qendrat e vaksinimit janë të hapura nga mëngjesi deri në orën 20:00 në të gjithë Shqipërinë.
“Më shumë se 13 mijë qytetarë u vaksinuan sot, ndërsa janë 1,123,253 vaksinime të kryera që prej fillimit të këtij procesi jetik. Nëse jeni mbi 18 vjeç, shfrytëzoni fundjavën për t’u vaksinuar nga mëngjesi deri në 8 të mbrëmjes, në qendrat shëndetësore ose në qendrat e vaksinimit të përqëndruar kudo në vend”,-shkruan Manastirlilu./Opinion.al
