Ndërkohë që Shqipëria po sheh një rritje të shpejtë të infektimeve, por edhe të vdekjeve si pasojë e Covid 19, Ministria e Shëndetësisë ka njoftuar se në muajin dhjetor do të nisë të aplikojë testimet e shpejta.
Në një dalje për mediat, ministrja Ogerta Manastriliu tha se këto testime do të nisin brenda muajit Dhjetor, ndonëse nuk dha një datë konkrete.
“Ne po vazhdojmë të fuqizojmë kapacitetet tona në gjithë sistemin shëndetësor duke filluar nga përmirësimi i testimit dhe gjurmimit, dhe përfshirja e testeve të shpejta brenda dhjetorit do të bëjë të mundur kufizimin e mëtejshëm të përhapjes së virusit”, tha Manastirliu.
Kujtojmë se rritja e numrit të testimeve është cilësuar nga shumë ekspertë, por dhe nga OBSH si një mekanizëm i rëndësishëm në kontrollin e pandemisë./Opinion.al
