Ditën e sotme ministrja e Shëndetësisë, Ogerta Manastirliu, publikon në rrjetet sociale një video-mesazh të mjekut Tritan Kalo, nga Spitali Infektiv COVID-1.
Mjeku Kalo iu bën thirrje qytetarëve të vijojnë zbatimin e masave dhe kujdesin maksimal, edhe pse ka filluar lehtësimi i masave kufizuese.
Kalo shprehet se pandemia në vendin tonë është ende në gjysmën e rrugës dhe nuk e ka shfaqur akoma tablonë e plotë të problematikave.
Ndërkohë, krahas videos, Manastirliu shkruan “Me lehtësimin e masave shtrënguese, duhet të shtojmë kujdesin ndaj vetes dhe të tjerëve. Ju lutem dëgjoni mesazhin e prof. Tritan Kalo??”.
Mesazhi i Tritan Kalos:
Ju drejtohem nga Urgjenca e Infektivit në QSUT, e përcaktuar si COVID-1. Ju drejtohem me thirrjen, që me hapjen e masave, të mos liberalizoni ose përkeqësobin shkallën e përkujdesjes ndaj veteës, sepse jemi ende në mos në gjysmën e rrugës dhe kemi ende sfida për t’u përballur në të ardhmen. Kujdesi ndaj vetes, kujdeis ndaj të tjerëve, higjiena personale dhe kolektive, ushqyerja e shëndetshme, respektimi i rregullave, jo vetëm që nuk duhen nënvlerësuar, por duhen theksuar gjithnjë e mëtej, sepse COVID-19 ende nuk e ka shfaqur tablonë e plotë të problematikave që ka”, thekson mjeku Kalo./ Opinion.al
