Edgar Çanit nuk po i shkon mbarë edhe sezoni te Piza. Në 12 ndeshje në Lega Pro dhe Kupën e Italisë ka shënuar vetëm 1 gol.
Sulmuesi shqiptar nuk ka qenë një zgjedhje e parë për trajnerin Xhenaro Gatuzo.
Problemet fizike kanë qenë një tjetër pengesë e Çanit për të patur një paraqitje sa më të mirë.
Sipas www.tuttocalciocatania.com kjo mund ta largojë 26vjeçarin nga Piza, ndoshta që në janar, që skuadra toskane të ketë mundësinë të afrojë një tjetër futbollist.
Vitet e fundit nuk kanë qenë të mira për Edgar Çanin, i cili është endur nga një ekip në tjetërin duke humbur edhe vendin në Kombëtare.
Ai kaloi këtë verë nga Katania te Piza falas duke firmosur për një sezon. (Sport.al)
