Të shtëna me armë zjarri janë regjistruar mëngjesin e sotëm në lagjen “Peraj”, në fshatin Bajzë të Malësisë së Madhe.
Policia bën me dije se është qëlluar me armë në drejtim të murit rrethues të banesës së shtetasit L.K. Mësohet se në momentin e ngjarjes në banesë ka qenë vetëm djali i tij shtetasi L.K., 19-vjeç.
Grupi hetimor, nën drejtimin e Prokurorisë, po vijon punën për sqarimin e plotë të rrethanave të ngjarjes.
“Më datë 31.08.2022, në orët e para të mëngjesit, në lagjen “Peraj”, në fshatin Bajzë, Malësi e Madhe, është qëlluar me armë zjarri në drejtim të murit rrethues të banesës së shtetasit L. K., në të cilën ka qenë vetëm djali i tij, shtetasi L. K., 19 vjeç”, njofton policia./Opinion.al
