Një koleksion makinash luksoze të sekuestruara nga zëvendës presidenti i Guinesë Ekuatoriale, Teodorin Obiang Nguema, do të dalin në ankand në Zvicër dhe përllogaritet se do të shiten për 18.5 milion franga zvicerane (18.7 milion dollarë).
Midis makinave që do të ofrohen në ankandin që do të zhvillohet në një klub golfi të Gjenevës të dielën, janë shtatë Ferrari, tre Lamborgini, pesë Bentli, një Maserati dhe një McLaren.
Autmjetet më të shtrenjta janë një Lamborghini Veneno Roadster, me vlerë midis 4.8 milion dhe 5.7 milion euro (5.2-6.2 milion dollarë) dhe një Ferrari hibrid i verdhë rreth 2.4-2.6 milion euro.
Makinat u konfiskuan nga drejtësia zvicerane pas hapjes në 2016 të një çështjeje për veprime financiare të jashtligjshme kundër Obiang, i cili është djali dhe trashëgimtari i mundshëm i presidentit autoritar të Guinesë Ekuatoriale, Teodoro Obiang Nguema, i cili ka sunduar për 40 vjet.
Në shkurt prokurorët zviceranë thanë që ata po hidhnin akuza për krime financiare kundër Teodorin Obiang Nguema, por po konfiskonin makinat luksoze si pjesë të çështjes.
Guinea Ekuatoriale gjithashtu ka pranuar t’i japë Gjenevës 1.3 milion franga zvicerane për të mbuluar shpenzimet e çështjes.
Zëvendës presidenti, përgjegjës për mbrojtjen dhe sigurinë në Guinenë Ekuatoriale, ka një reputacion për një mënyrë jetese playboy.
Në tetor 2017 një gjykatë në Paris pasi e dënoi atë për vjedhje të parave publike për të blerë pasuri në Francë. Ai u akuzua se kishte shpenzuar më shumë se 1.000 herë rrogën e tij zyrtare vjetore në një rezidencë gjashtë katëshe në kryeqytetin francez, një flotë makinash të shpejta dhe vepra arti.
Në shtator, media braziliane thoshte se më shumë se 16 milion dollarë para dhe orë luksoze u kapën nga policia dhe oficerët brazilianë nga bagazhet e një delegacioni që shoqëronte Obiang në një vizitë private.
Guinea Ekuatoriale është një nga prodhuesit kryesorë të naftës në Afrikë dhe ka një popullsi vetëm 1.2 milion banorë. Vendi citohet rregullisht nga OJQ-të si një nga më të korruptuarit në botë. /Opinion.al
