Një 38-vjeçar ka rënë në prangat e policisë së Kavajës pasi ka përplasur me makinën e tij një të mitur.
Sipas uniformave blu, në pranga ka rënë shtetasi B. B., 38 vjeç, i cili në aksin rrugor Harizaj-Spille ka përplasur me makinë një 12-vjeçar.
Mësohet se 12-vjeçari ndodhet në spital, nën kujdesin e mjekëve.
“Specialistët për Hetimin e Krimeve në Komisariatin e Policisë Kavajë arrestuan në flagrancë shtetasin B. B., 38 vjeç, pasi duke drejtuar automjetin, në aksin rrugor Harizaj-Spille, ka aksidentuar një 12-vjeçar, i cili ndodhet në spital, nën kujdesin e mjekëve”,-thuhet në njoftimin e policisë./Opinion.al
