Një aksident me pasojë vdekjen ka ndodhur mëngjesin e sotëm në aksin Fier-Levan. Aksidenti ka ndodhur në vendin e quajtur Varibop, ku një makinë ka dalë nga rruga, duke përfunduar në një kanal me ujë.
Ngjarja ka rezultuar fatale për drejtuesin e mjetit dhe pasagjeren, të cilët kanë gjetur vdekjen. Në vendngjarje kanë shkuar zjarriksja dhe policia, të cilat po punojnë për nxjerrjen e mjetit nga kanali dhe zbardhjen e shkaqeve.
Njoftimi i policisë
Në datën 09.04.2018, rreth orës 08:10, në aksin rrugor Levan-Tepelenë, në fshatin Varibop, në kanalin me ujë në anë të rrugës është gjetur i rrëzuar një mjet tip “Suzuki” me targa IHZ 1755.
Për pasojë janë mbytur dy persona, drejtuesi i mjetit dhe një shtetase tjetër, pasagjerja.
Paraprakisht dyshohet se mjeti ka dalë jashtë rruge gjatë natës.
Grupi hetimor po punon për identifikimin e personave dhe zbardhjen e plotë të ngjarjes.
