Ka folur për mediat babai i 10-vjeçares që u përplas për vdekje nga një makinë ditën e djeshme në rrugën “Njazi Meka” në Tiranë.
Iliaz Petali, është shprehur për “News24” se në momentin e ngjarjes vajza ishte e shoqëruar nga gjyshja e saj, ndërsa makina e cila ishte me shpejtësi e ka përplasur.
Sipas babait të së miturës, drejtuesi i mjetit, Alban Guri, pasi përplasi 10-vjeçaren është larguar nga vendi i ngjarjes.
Guri u arrestua më vonë nga policia dhe është marrë në pyetje për rrethanat e ngjarjes së rëndë.
Ndërkohë, Iliaz Petali ka bërë thirrje për drejtësi, ndërsa shtoi se në lagjen e tij nuk ka as trotuar ku mund të kalojnë qytetarët.
“Kisha 10 minuta qe u ndava me vajzën. Ajo ishte me te gjyshen per dore. Shoferi erdhi e perplasi. Aksidenti mund ti ndodhe cdokujt por shoferi beri gabim se ishte me shpejtesi ne rruge lagje. E perplasi femijen dhe iku. Mund te kete qene i pire po ia le shtetit ne dore te beje drejtesi. Ketu ska as rruge as trotuar asnje kusht.”, tha Petali./ Opinion.al
