Një aksident rrugor është regjistruar në aksin Korçë-Pogradec mëngjesin e sotëm. Policia bën me dije se një automjet i drejtuar nga një 32-vjeçar me iniciale F.H ka dalë nga rruga dhe si pasojë janë plagosur katër pasagjerët në mjet.
Mes 4 pasagjerëve, ndodhen edhe dy të mitur, të cilët janë dërguar në spitalin e Pogradecit.
Grupi hetimor po punon për përcaktimin e shkaqeve të aksidentit.
Njoftimi i Policisë:
“Më datë 10.09.2022, rreth orës 10:45, në aksin rrugor Korçë-Pogradec, pranë fshatit Petrushë, shtetasi F. H., 32 vjeç, duke drejtuar mjetin tip “Benz”, dyshohet se ka humbur kontrollin e mjetit dhe ka dalë nga rruga.
Për pasojë kanë marrë dëmtime të lehta 4 pasagjerë në mjet, konkretisht shtetaset B. T. dhe I. R., si dhe dy fëmijë të mitur, të cilët aktualisht ndodhen në spitalin e Pogradecit.
Grupi hetimor po kryen veprimet procedurale dhe po punohet për përcaktimin e shkaqeve të aksidentit.
