Një person ka humbur jetën mbrëmjen e ditës së djeshme si pasojë e një aksidenti automobilistik në vendin e quajtur Fushë-Lurë.
Aksidenti tragjik ka ndodhur rreth orës 23:30.
Sipas policisë, bëhet me dije se shtetasi Ndriçim Cuku, 30 vjeç, banues në fshatin Lurë e Vjetër, duke drejtuar automjetin tip “Land Rover” me targa KR 6461 A, ka dalë nga rruga dhe si pasojë ka gjetur vdekjen pasagjeri.
Viktima e aksidentit është shtetasi me inicialet F K, 26 vjeç, banues në Lurë.
Forcat e policisë kanë shkuar në vendngjarje ku kanë bërë shoqërimin e drejtuesit të mjetit për në Komisariatin e Policisë Dibër.
Grupi hetimor po kryen veprimet në vend ngjarje për të përcaktuar shkakun e daljes nga rruga të automjetit.
