‘’Ky çmim është Everesti për mua’’, kanë qenë këto fjalët e para me të cilat është shprehur sportistja e mirënjohur Majlinda Kelmendi pasi fitoi çmimin ‘’Best Female Judoka Today’’. Kampionia shqiptare është nderuar mbrëmjen e djeshme në Budapest nga Federata Ndërkombëtare e Xhudos pas sukseseve të njëpasnjëshme dhe medaljes së artë gjatë Lojërave Olimpike në Rio.
Gjatë fjalimit Kelmendi është shprehur ” Falenderim special për njeriun që më ka rritur dhe më ka bërë kampion, trajneri Driton. Vëllezërit Syla dhe Agroni. Të gjithë e njihni historinë time. E kam nisur karrierën në Kosovë. Kam fituar gjithçka. Por ky çmim sot është ‘Everesti’. Nuk mund të kërkoj për më shumë. Faleminderit nga zemra”, është shprehur Kelmendi.
