Presidenti i Francës, Manuel Macron, ka qenë në një vizitë shtetërore në Amerikë, ku është takuar me Presidentin Trump. Macron është në një mision shpëtimi për të bindur Presidentin Donald Trump që të qëndrojë me marrëveshjen bërthamore të Iranit. Por pavarësisht ngrohtësisë së marrëdhënieve mes dy presidentëve, kësaj here Macron ka përpara një luftë të vështirë.
Jo vetëm Macron është i interesuar për këtë marrëveshje, por ditën e nesërme pritet që të mbërrijë edhe kancelaria Angela Merkel së bashku me një delegacion, por nuk përjashtohet edhe mundësia e ardhjes së Teresa May (edhe pse me shumë gjasa do të ketë vetëm një telefonatë).
Edhe pse përpjekjet lotuese janë të një niveli të lartë Evropian, burime të CNN, bëjnë me dije se SHBA është shumë pranë largimit nga kjo marrëveshje.
“Vendimi për t’u larguar është thuajse i kryer”, tha një burim i njohur raporton CNN. Administrata “është pozicionuar, por gjithashtu është duke e parë mundësinë e qëndrimit nëse evropianët do të jenë në gjendje të nxjerrin lëshime nga Irani”. Por shanset për këtë skenar janë të pakta.
