Presidenti i Francës Emmanuel Macron ka premtuar se katedralja Notre-Damë e Parisit do të rindërtohet brenda pesë vitesh. Që ditën e parë pas zjarrit, janë mbledhur rreth 800 milionë euro fonde nga familjet e pasura franceze, por edhe nga solidariteti i vendeve të tjera të Bashkimit Europian.
“Po, ne mund t’ia dalim. Ne mund ta rindërtojmë Katedralen Notre Dame më të bukur se kurrë dhe dua që kjo të përfundojë brenda 5 vitesh. Do të mobilizohemi maksimalisht që të arrijmë një gjë të tillë”, tha Macron.
Por pavarësisht kësaj deklarate, ekspertët janë skeptikë. Ata thonë se nëse zjarri do të kishte vazhduar edhe pak minuta, katedralja do të ishte shembur e gjitha, prandaj fillimisht duhet siguruar struktura dhe bazamenti i saj përpara se të kalohet në rikonstruksion. Sipas vlerësimeve që bëjnë inxhinierët dhe restauruesit, duhen të paktën 15 vite që katedralja të kthehet siç ishte më parë./Opinion.al
