Presidenti francez Emmanuel Macron ka deklaruar se duke filluar nga 15 qershori adoleshentët midis moshës 12 dhe 18 vjeç do të mund të vaksinohen kundër COVID-19.
Kreu i shtetit tha se 50% e të rriturve francezë kanë bërë të paktën një dozë të vaksinës, teksa nxiti të gjithë të jenë “jashtëzakonisht të kujdesshëm dhe të duruar” sepse qarkullimi i virusit në rajone të caktuara, veçanërisht në jug-perëndim, është duke u rritur përsëri.
Vendimi për të filluar vaksinimin e adoleshentëve u mor në Këshillin e Mbrojtjes këtë mëngjes në Elysée, tha Macron.
Ai shtoi se perspektiva e heqjes së detyrimit për të mbajtur maskën jashtë do të bëhet “në një mënyrë të diferencuar” sipas territoreve.
“Në nivelin kombëtar ne do të duhet të presim pak. Unë mendoj se deri në fund të qershorit, në nivelin kombëtar, do të mbajmë organizimin aktual”, tha Macron./ Opinion.al
