Është përfshirë nga flakët një qendër tregtare në Lushnje. Paraprakisht bëhet me dije se kati i tretë dhe i shtatë i pallatit ku ndodhet qendra tregtare është përfshirë nga flakët.
Menjëherë ka nisur puna për evakuimin e punonjësve, klientëve të qendrës tregtare por edhe banorëve të pallatit.
Sipas informacioneve paraprake, dyshohet se nga tubat e ajrimit janë djegur kabujt elektrik, gjë që ka shkaktuar zjarrin. Nga ngjarja, mësohet se nuk ka persona të lënduar.
Ambulanca dhe policia ndodhen në vendin e ngjarjes dhe po hetojnë rrethanat e ngjarjes.
