TIRANË- Qentë e rrugëve janë kthyer në makthin e qytetarëve të Tiranës që nxitojnë për të në punë apo aktivitete të tjera por nuk guxojnë të kalojnë pa devijuar 2-3 herë rrugën. Jo vetëm në periferi, ku prej kohësh nuk i intereson askujt se çfarë ndodh, por edhe në mes të Tiranës.
Këto foto tregojnë qartë se çfarë po ndodh aktualisht te Libri Universitar rruga Abdyl Frashëri, në zemër të Tiranës. Aty janë të përqendruara institucione, si ai i Presidencës dhe një sërë subjektesh private. Qytetarët i shmangen kësaj rruge mjaft të populluar ku tashmë “mbretërojnë” qentë e rrugës.
