Udhëheqësi i Bjellorusisë Alexander Lukashenko, ndërmjetësi i marrëveshjes midis Vladimir Putin dhe Yevgeny Prigozhin, ka treguar se si u shpalos roli i tij në negociatat midis dy palëve të shtunën.
“I sugjerova Putinit të mos nxitonte. Unë i thashë, le të flasim me Prigozhin dhe komandantët e tij,”-tha ai.
Udhëheqësi bjellorus tha se kështu ndodhi biseda (në transkriptet e cituara nga agjencitë e lajmeve):
Putin: “Shiko Sasha [Aleksandër], është e kotë, ai nuk do ta marrë as telefonin.”
Lukashenko: “Ku është ai?”
Putin: “Në Rostov (-on-Don)”
Lukashenko: “Ok… Do të përpiqem ta kontaktoj.”
Ndërsa Lukashenko po ua tregonte historinë oficerëve dhe zyrtarëve bjellorusë pas një ngjarjeje në Pallatin e Pavarësisë, ai e quajti Prigozhin një “djalë heroik”.
Lukashenko tha në fillim se ata folën “pothuajse vetëm [me fjalë] sharje”./Opinion.al
