Londra është qyteti më i mbipopulluar në Europë.
Kështu thuhet në një artikull të publikuar nga media e huaj “The Guardian”, ku paraqitet një analizë e kompanisë Inrix, e cila merret me funksionin e transportit në mbarë Europën.
Në të thuhet se pozicioni i Londrës si qyteti më i mbipopulluar në Evropë ka mbetur i palëkundur.
Drejtuesit e automjeteve në kryeqytet kanë kaluar mesatarisht 101 orë ulur në trafik, një rritje prej 2% nga viti i kaluar, sipas kompanisë analitike të transportit Inrix.
Vitet e fundit ka pasur një rritje të vazhdueshme të mbingarkesës në qytet, nga 97 orë në 2022 në 99 orë në 2023.
A40 Westway në Londër u vlerësua si rruga më e ngarkuar në Mbretërinë e Bashkuar, me orën 17:00-18:00 që ishte koha më e keqe e saj.
Pas Londrës renditet fqinji i saj, Parisi, me 97 orë vonesa, i ndjekur nga Dublini në vendin e tretë me 81 orë.
Sakaq, brenda Mbretërisë së Bashkuar, vlerësohet se Londra mbetet po kaq e mbipopulluar krahasuar me vendet si Bristol dhe Leeds, të cilat ndajnë respektivisht 65 dhe 60 orë qëndrim në trafik.
Në raport evidentohet se Londra ka shumë rrugë që shkaktojnë vonesa në trafik për shkak të përqëndrimit të popullsisë, punësimit dhe aktivitetit ekonomik.
Inrix vlerësoi se kostoja për Londrën ishte rreth 3.85 miliardë paund, që është e barabartë me 942 £ për secilin nga 4 milionë shoferët e qytetit.
Kompania tha se përdori burime të ndryshme të dhënash për të prodhuar analizat e saj, duke përfshirë nga telefonat dhe automjetet./Opinion.al
