Një gjarpër ‘pushtoi’ të hënën fushën e kriketit në Siri Lanka teksa luante Galle Titans dhe Dambulla Aura. Për pasojë ndeshja u ndërpre për disa minuta.
Një nga lojtarët e Galle Titans bëri me shenjë drejt arbitrit se gjarpri kishte rrëshqitur në fushë pasi doli nga kufiri, ndërsa lojtarët qeshnin.
Shumë nga vëzhguesit sugjeruan se ishte një gjarpër i zakonshëm, një specie jo helmuese që ndërkohë që ka një pickim të fuqishëm nuk përbën një rrezik të madh për njerëzit dhe ndodhet aty ku gjenden brejtës të vegjël.
“Unë kurrë nuk kam parë diçka të tillë,” tha një nga komentuesit në një video të mbulimit të ndeshjes të publikuar nga Sri Lanka Cricket.
Përfundimisht gjarpri u nxor jashtë fushës nga një nga gjyqtarët, dhe një ekip shpëtimi i kafshëve të egra u thirr në stadium për ta transferuar atë në habitatin e tij natyror, duke lejuar që loja të rifillonte./Opinion.al
