Organizatat për mbrojtjen e konsumatorëve thonë se është gjithnjë e më i madh është numri i ankesave të qytetarëve sa i përket cilësisë së lodrave për fëmijë.
Marjana Llonçar, drejtuese e Shoqatës për mbrojtje ne konsumatorëve në Shkup thotë se një pjesë e konsiderueshme e lodrave që gjenden në tregun e Maqedonisë, shiten pa asnjë të dhënë për përmbajtjen kimike të materialit prej të cilit përbëhen, duke paraqitur kështurrezikshmëri të lartë për fëmijët.
Ajo për çka ankohen kryesisht qytetarët, ka të bëjë me atë se në të shumtën e rasteve deklarimi për përmbajtjen e materialit të lodrave, nuk është në gjuhën maqedonase, madje ai duhej të ishte në atë shqipe”.
“Është shumë me rëndësi të theksohet se në bazë të cilave kemikalieve është ngjyra e lodrave, sepse e dini fëmijët e moshës nën tre vjeç, gjatë lojës pjesën më të madhe të lodrave e fusin në gojë”, deklaron Llonçar.
Ajo nënvizon se kontrollet duhet të jenë më të shpeshta dhe dënimet duhet të jenë më rigoroze, sidomos kur bëhet fjalë për lodrat dhe veshmbathjen për fëmijë, sepse, siç shprehet ajo, në një kohë të fushatave të egra mediatike dhe krizës ekonomike, në anën tjetër, prindërit detyrohen që fëmijëve të tyre t’u blejnë kopje të këqija të lodrave, pavarësisht rrezikut që i ekspozojnë./rel/
