Ministri i Brendshëm, Sandër Lleshaj ka folur sot nga Korça në lidhje me zgjedhjet vendore të 30 qershorit.
Zgjedhjet sipas tij do të zhvillohen dhe kushdo që do të rrezikojë këtë proces do të përballet me ligjin.
“Nëse ka njerëz që do të dalin jashtë ligjit, do të procedohen. Plane masash ka për gjithçka që lidhet me zgjedhjet”, deklaroi Lleshaj.
Në lidhje me menaxhimin e protestave nga ana e policisë, ministri theksoi: “Çështjet e reagimit të policisë ndaj protestuesve i ka policia në dorë, reagimet në krahasim me protestuesit do të jenë një moment më mbrapa në kohë, një shkallë më poshtë. Nëse dikush ngre dorë mbi policinë, ajo do të përgjigjet, por do të jetë reagim proporcional dhe më poshtë se reagimi i protestuesve. Nuk ka patur asnjë tejkalim të reagimit të policisë në protesta”./ Opinion.al
